استاذتي ومصممة منزل احلامي
اولا انا من اول مرة انصدمت شلون
تقرأين أفكاري مادري لان نفس
ذوقي ولا شطارة فيك
ثانيا جدا اقتراحاتك تطرح بطريقة
ذربة وما تحسس العميل بالنقص
رغم التفاوت الشاسع بالمعلومات
وهذا من تواضعك بالتاكيد
وطينتك الراقيه
ثالثا ابد ماحسيت بالإجبار في اي
فكرة حتى لو انتي كنتي ما توافقيني
بالعكس الطرح علمي و تتركين
مساحة بود للعميل و لاحضت جدا
يهمك رضا و راحة العميل و انك
توصلين لنقطة اتفاق بين فكرتي
والهدف التصميمي
رابعا . كريمة و ماتعرفين النحاسه
ابد حتى مرات انحرجت و خفت
اني اخذت فوق حقي و ان حصل
التمس العذر و اطلب الحل
بما يرضيك
صدرك واااسع و تتحملين خرابيطنا
ووسواسنا ☺️
عندك قدرة ساحقه تجذب و تشعر بالارتياح و تجيبين الفكرة الضايعه
بسلاسه و هذا دليل على تمكنك من دراستك
على فكرة زوجي اخرة مرة هزأني يقول ليش
ماشكرتيها عدل وليش ماقلتي لها ان حييييل انقذتينا و ساعدتينا 😚
اخيرا الله يشهد ان كل كلمه حقيقه
بدون مجامله و لاتفخيم
وتستااااهلين فرحت انك سالتيني
ابي ابرد قلبي واطلع هالمشاعر 🌹🌹😍
ترى اشوي و اكتب شعر عندي محاولات كتابيه 🤣
خدمه مليون نجمه باختصار مستحيل
اروح لاحد غيرك و اي احد يسالني
اعطيه رقمك وصراحه مب طماعه
و اسعارك في متناول الجميع هذا
ماشجعني ارجع اكثر من مره
الله يبارك لك و يوفقك 🌹🌹